மாயா, கேம் ஓவர் போன்ற த்ரில்லர் படங்களின் மூலம் பிரபலமானவர் இயக்குனர் அஸ்வின் சரவணன். தற்போது இவர் இயக்கத்தில் நயன்தாரா நடித்து வரும் படம் கனெக்ட்.
இப்படம் டிசம்பர் 22, 2022 அன்று வெளியாகும் என அறிவிக்கப்பட்டுள்ளது.திருமணத்திற்கு பிறகு தமிழ், தெலுங்கு, ஹிந்தி, மலையாளம் என அனைத்து மொழிகளிலும் பிஸியாக நடித்து வருகிறார் நயன்தாரா.
2015ஆம் ஆண்டு வெளியான மாயா திரைப்படம் மாபெரும் வெற்றி பெற்றது. மாயா படத்தைப் போலவே கனெக்ட் படமும் த்ரில்லர் படமாக உருவாகியுள்ளது. விக்னேஷ் சிவனின் ரவுடி பிக்சர்ஸ் தயாரிக்கும் இப்படத்தில் நடிகை நயன்தாரா, அனுபம் கெர், ஹனியா நபீசா, சத்யராஜ், வினய் ராய் ஆகியோர் முக்கிய வேடங்களில் நடித்துள்ளனர்.
கனெக்ட் படத்தின் ரன்னிங் டைம் 90 நிமிடங்கள் மட்டுமே. படத்தின் சுவாரஸ்யம் குறையக்கூடாது என்பதால் இடைவேளையின்றி படத்தை வெளியிட படக்குழு முடிவு செய்துள்ளது. ஆனால், இடைவேளையின்றி படத்தை வெளியிட முடியாது என்று தியேட்டர் உரிமையாளர்கள் கூறி வருகின்றனர்.
இதனால் கனெக்ட் படம் வெளியாவதில் சிக்கல் ஏற்பட்டுள்ளது. இப்பிரச்சினைக்கு பேச்சுவார்த்தை மூலம் தீர்வு காண முயற்சிகள் மேற்கொள்ளப்பட்டு வருகின்றன. நயன்தாரா – விக்னேஷ் சிவன் திருமணம் ஜூன் 2022 இல் பிரமாண்டமான முறையில் நடைபெற்றது. மேலும் அக்டோபர் 9 ஆம் தேதி, வாடகைத் தாய் மூலம் இரட்டை ஆண் குழந்தைகளுக்கு இந்த ஜோடி பெற்றோரானது. எனவே இந்த வருடம் தனது கணவர் மற்றும் குழந்தைகளுடன் நயன்தாராவுக்கு முதல் பிறந்தநாள்.
அது அவள் வாழ்நாளில் மறக்க முடியாத பிறந்த நாளாக இருக்கும். அஷ்வின் சரவணன் இயக்கத்தில் லேடி சூப்பர் ஸ்டார் நயன்தாரா நடிக்கவிருக்கும் கனெக்ட் படத்தின் டீசர் அவரது பிறந்தநாளில் (நவம்பர் 18, 2022) வெளியிடப்பட்டது.
இந்த படம் சுமூகமாக வெளியாகும் என அவரது ரசிகர்கள் ஆவலுடன் காத்திருக்கின்றனர். ஆனால் திரையரங்க உரிமையாளர்கள் 90 நிமிட படத்திற்கு இடைவேளை தடை இல்லை என மறுத்து வருகின்றனர். மேலும் டிக்கெட் விலையை விட தின்பண்டங்கள் மற்றும் குளிர்பானங்களில் தங்களின் வியாபாரம் அதிகம் என்றும், வியாபாரத்தை கெடுக்க படக்குழு முயற்சிப்பதாக புகார் எழுந்துள்ளது.
நடிகை நயன்தாரா தற்போது லேடி சூப்பர் ஸ்டார் 75, ஜவான், இறைவன் போன்ற படங்களில் நடித்து வருகிறார். கனெக்ட் படக்குழுவினருக்கும், திரையரங்கு உரிமையாளர்களுக்கும் இடையே நடந்த விவாதத்திற்குப் பிறகு படத்தின் வெளியீடு குறித்து சாதகமான முடிவு வரும் என நம்புவோம்.